Seanca e sotshme parlamentare në Maqedoni është e rezervuar për pyetjet e deputetëve. Me këtë rast, deputeti shqiptar në rradhët e partisë maqedonase në pushtet, LSDM-së, Muhamed Zekiri. ka vënë në “siklet” padronin e tij, kryeministrin e vendit, Zoran Zaev. Ai pyeti Zaevin në mënyrë publike pse reisi i Bashkësisë Fetare Islame (BFI), Sulejman Rexhepi vazhdon të jetë i paprekshëm si nga VMRO aso kohe, po edhe nga pushteti aktual.
“Nëse jemi të gjithë të barabartë, a është arushë e mbrojtur Sulejman Rexhepi i cili punon në mënyrë të paligjshme. Ai u kthye në BFI me kallashnikov dhe u vendos aty përjeshtësisht. Institucionin e shndërroi në pashallëk të tij. Ai i pandershëm për shkak të mënyrës se si udhëheq”, tha Zekiri.
Deputeti Zekiri e akuzoi Rexhepin se i ka keqpërdorur vizat për haxhilerët.
“Çmimi i vizave është 500 euro. A ka hyrë ndonjëherë në BFI Inspektorati i Punës që të kontrollojë nëse u paguhen imamëve pensioni invalidor. Edhe Policia Financiare a do të hyjë të kontrollojë se si menaxhohet BFI”, tha Zekiri.
Ndaj akuzave të Zekirit në drejtim të kreut të BFI-së, nga foltorja e Kuvendit iu përgjigj kryeministri Zoran Zaev. Sipas tij qeveria do të urdhëron Inspektoratin e Punës që të bëjë kontroll ndaj BFI-së nëse është shkelur ndonjë dispozitë ligjore, por megjithatë duhet pasur kujdes mos të shkelet sekulariteti i shtetit.
“Disa institucione janë në kontroll të KOM-it dhe BFI-së, ka procese për shkak Strasburgut. Kjo, megjithatë është udhërrëfyes deri te Qeveria që të kontrollojë nëse paguhen tatime, kompensime etj. Në të gjitha bashkësitë vetare do të veprojmë, ndërkaq do të kemi kujdesë edhe që të mos e shkelim sekularitetin. Nëse konstatojmë mangësi, do t’i publikojmë”, u përgjigj Zaev.
Kujtojmë se për kreun e BFI-së në Maqedoni, reis Sulejman ef. Rexhepin në vazhdimësi ka pasur akuza të ndryshme se i njëjti është keqpërdorues i detyrës zyrtare dhe degradues i parimeve të fesë islame. Por edhe përkundër gjitha këtyre, ai ndiehet i sigurtënë pozitën e tij, e aq më shumë duke marrë parasysh afërsinë e tij me ish-kryeministrin e vendit, Nikolla Gruevskin.
Në njërin nga fjalimet e tij, Sulejman Rexhepi madje ka uruar Gruevskin që Zoti ta bekon. /tesheshi.com/
