Deputeti laçian Armando Prenga, i cili së fundi është bërë shkas që opozita të paralajmërojë bojkot të Kuvendit, i tha Top Channel-it se ajo, opozita pra, ka lajthitur në këtë kërkesë.
Ai sqaron gjthashtu se nuk ka asnjë lidhje me Grupin Parlamentar të PS-së, pasi është përjashtuar nga ky grup.
“Është lajthitje e opozitës që kërkon që unë të mos bëj detyrën time si deputet. Në një kohë që Xhelal Mziu, kryetar i Bashkisë së Kamzës ushtron detyrën e tij, pavarësisht se ka një vendim gjykate që e ka dënuar atë. Për mua ende nuk ka një vendim gjykate. Çështja është në proces dhe duhet të presim vendimin e Gjykatës. Por kjo që po bën opozita, është njësoj sikur një kryetar partie të mazhorancës të kërkojë bllokimin e punës në të gjitha bashkitë e vendit se Xhelal Mziu është ende në detyrë edhe pse ka një vendim gjykate për të”
Prenga I kthyue në Kuvend muaj pas përfshirjes në një invident me armë në lagunën e Patokut. PS e përjashtoi menjëherë nga rradhët e Grupit të saj Parlamentar, por ai është kthyer si i pavarur. Ai është pjesë e atij grupimi deputetësh të vënë në shënjestrën e PD-së si të inkriminuar, ndërkohë që në jetën parlamentare ka shënuar incidentin e rëndë të rrahjes (thuhet me rrip pantollonash në kushtet e mbylljes në banjo), kolegun demokrat Genti Strazimiri. Dhe ndryshe nga deputeti Ndocaj që quhet ndryshe dhe “kaubojsi”, Prenga quhet “sherifi” për shkak të mbajturit të armës në brez. /tesheshi.com/
