Qëndrimi jo i njëjtë i deputetit të Lëvizjes Socialiste për Integrim, Përparim Spahiut ne krahasim me qëndrimin e LSI, në lidhje me Reformën në Drejtësi, me sa duket rrezikon përjashtimin e tij nga grupi parlamentar i kësaj partie.
Deputetit Përparim Spahiu shprehu pakënaqësi për çështjen e vetingut nga ndërkombëtarët për gjyqtarët dhe prokurorët.
në një postim në faqen e tij Twitter, deputeti i LSI-së Përparim Spahiu paralajmëroi se nuk do të votojë reformën në drejtësi në rast se në të parashikohet udhëheqja e procesit të vlerësimit të gjyqtarëve nga ndërkombëtarët.
“E kuptoj dhe jam dakord që sovranitetin e vendit tonë të përbashkët duhet ta ndajmë me NATO-n, me KE-në, shpresoj dhe me BE-në. Por nuk jam gati të votoj ndarjen e sovranitetit me Operacionin Ndërkombëtar të Monitorimit. Çfarë përfaqësojnë këta?!”, shkruan deputeti i LSI-së, Spahiu.
LSI jo vetëm që distancohet nga kjo deklaratë, por mësohet se javën e ardhshme do të mblidhet grupi parlamentar i kësaj partie, për të marrë një vendim për këtë qëndrim të deputetit. /tesheshi.com/
