Partia Demokratike ka vijuar akuzat në drejtim të kryeministrit Edi Rama në lidhje me përbërjen e kabinetit qeveritar, por edhe fjalimin e gjatë të mbajtur në mbledhjen e Asamblesë së PS-së.
Luçiano Boçi, deputeti demokrat i qarkut të Elbasanit, përmes një postimi në rrjetet sociaale ka bërë një krahasim mes Ramës dhe ish-diktatorit Enver Hoxha.
Termat e përdorur nga Rama, sipas Boçit, janë një kopje e fjalimeve të Enver Hoxhës në një nga kongreset e PPSH-së.
“Në Asamblenë-Plenium, në fjalën e tij Rama deklaroi: nëse do të rendisja 10 tiparet kryesore që duhet të ketë mandati jonë, duhet të ishte në krye besnikëria ndaj njerëzve.
Vullneti (nënkupto disiplina) për të çuar deri në fund reformat.
Këto ishin dy të parat.
Mjafton një kërkim në Google me fjalët kyçe dhe të del përpara një nga kongreset famëkeqe të PPSH, kur “Dulla” rendiste 10 cilësitë e komunistit, po aq sa renditi dhe ky “Tepsia”.
Jo vetëm kaq. Dhe cilësitë janë po ato.
Bëjeni vetë krahasimin.
E njëjta retorikë. i njëjti mentalitet. Gramozi me Xhafën duken tamam “si qershi mbi tortë”.
Kjo nuk është më koincidencë!
Dy të parat ndër 10 cilësitë: anëtarët e partisë sonë revolucionare duhet të jenë besnikë ndaj mësimeve të marksizëm-leninizmit, ndaj partisë dhe popullit tone. Komunistët duhet të jenë të pajisur me një disiplinë të çeliktë e të ndërgjegjshme, me një vullnet të hekurt për zbatimin e vijës së partisë, të ligjeve të shtetit, për respektimin e zakoneve të mira të popuIlit.
Deliranti foli…”, shkruan deputeti i PD-së në rrjetet sociale. /tesheshi.com/
