Ndonëse nuk ka një datë se kur mund të mbahet seanca e radhës, deputeti nga radhët e PAN-it, Rasim Selmanaj, shprehet i bindur se Kuvendi i Kosovës do të konstituohet në ditët e para të shtatorit.
“Në fillim të shtatorit do të konstituohet Kuvendi, do të bëhet zgjedhja e kryetarit, nënkryetarëve, më pastaj Qeveria, e udhëhequr nga z. Haradinaj. Nuk është problemi që PAN-i nuk i ka pasur numrat, por mendoj se ende na duhet edhe pak kohë, jo më shumë se dy javë, për ta pasur një proçes stabël në formimin e institucioneve. Jemi të bindur se do të zgjidhet kryetari, nuk ka kthim prapa”, ka deklaruar ai për “Zërin”.
Selmanaj më tej thotë se pavarësisht se Kadri Veseli (i nominuari i vetëm për kryetar Kuvendi nga PAN-i) nuk i ka votat aktualisht, do të vazhdojë të jetë kandidat për këtë pozicion. /tesheshi.com/
