Deputeti i NISMA për Kosovën, Haxhi Shala është tejet i sigurt se në seancën e nesërme do të bëhet konstituimi i Kuvendit, pra do do të zgjidhet kryetari dhe nënkryetarët.
Ndërsa nuk pret që qeveria e re të formohet këtë javë edhe pse thotë se i kanë siguruar numrat e nevojshëm, Shala shprehet se partnerëve të koalicionit i duhet edhe pak kohë, por jo më larg se javën e ardhshme.
“Sa i përket formimit të qeverisë, besoj se duhet edhe pak kohë. Besoj që javën tjetër do të formohet qeveria. Të hënën ose të martën. Ose më saktësisht Kosova do të bëhet me qeveri javën e ardhshme”, ka thënë Shala për portalin “Indeksonline”.
Duke folur për pozicionin e Nismës në qeverinë e ardhshme, ai ka thënë se partia e tij do të ketë rol të rëndësishëm në ekzekutiv, ku do të zbatohet platforma e tyre e prezantuar para qytetarëve në zgjedhjet e 11 qershorit. /tesheshi.com/
