Pas deputetit të NISMA-s, Zafir Berisha, edhe deputeti i LDK-së, Haxhi Avdyli ka përmendur opsionin e zgjedhjeve të reja nëse partitë politike nuk arrijnë të merren vesh për të bashkëqeverisur.
“Ata që merren vesh të krijojnë shumicën parlamentare e të qeverisin. S’bëhet kiameti që edhe nëse s’arrijmë t’i kënaqim ambiciet tona ndonjëherë, sepse e ardhmja e fëmijëve tanë është më e rëndësishme.
Nëse s’merremi vesh, shkojmë në zgjedhjet e tjera e ia shpenzojmë edhe nja 5 milion buxhetit të Kosovës. Por së paku secili deputet aty ku beson ka shanse të renditet në listë”, ka propozuar Avdyli.
Deputeti i LDK-së ka thënë se marrëveshje me një apo dy deputetë nuk duhet të bëhen por duhet të ketë marrëveshje ndërmjet partive për bashkëqeverisje.
“Prandaj koha është për reflektim , e jo për aventura me shtetin. Të ulemi, të bisedojmë, si parti e koalicione”, ka shtuar ai. /tesheshi.com/
