Deputeti socialist, Koço Kokëdhima, e ka ndjerë veten të tradhëtuar prej kolëgeve të grupit parlamentar, të cilët votuan për ta çuar çështjen e mandatit të tij në Kushtetuese.
Pakënaqësinë e tij ai e ka shprehur hapur në mbledhjen e grupit, sidomos që nuk është njoftuar për votimin.
“Kryetari i grupit më shpjegoi që kjo është një çështje që hyn automatikisht në seancë, ndaj nuk ka qenë e mundur që të bëheshin sqarime për këtë çështje më përpara”, u shpreh Kokëdhima në dalje nga selia rozë, duke u përpjekur që gjithsesi të tregohet i përmbajtur.
Në të njëjtin pozicion si ai është dhe deputetja Valentina Leskaj, për shkak të disa fondeve që ka përfituar djali i saj në koncensione.
Por ajo ka thënë se ajo e pret me shumë qetësi çdo lloj veprimi të Parlamentit për t’ja kaluar Kushtetueses çështjen e saj të konfliktit të interesit. /tesheshi.com/
