Një ndër konfliktet me karakter bazë fetare në Lindjen e Mesme, është ai mes Iranit dhe vendeve të tjera arabe, që përfaqëson përplasjen doktrinore sunito-shiite. Këta të fundit i konsiderojnë armiq ata që në doktrinën islame quhet “shokët e Profetit” – katër ish-“Kalifët e drejtë”, e në shënjestër të sulmeve prej tyre është dhe Aishja, bashkëshorte e Profetit Muhammed.
Por një deputet në parlamentin iranian, ka guxuar të “mbrojë të vërtetën”, duke dalë kështu kundër rrymës fetare në vend, mbi të cilën është themeluar një doktrinë e tërë besimi, e më pas dhe një shtet.
Në Iran, bashkësia suni është pakicë, e gjithnjë e kërcënuar prëj pushtetit shiit, së bashku me xhamitë e tyre.
Sa kohë do të zgjasë nëpërkëmbja e sunive në këtë vend?
Kur do të pushojnë sulmet ndaj nderit të të Dërguarit të Allahut (Profetit Muhammed), dhe as’habëve(shokëve) të tij në këtë shtet musliman?
Të dashur vëllezër, pse lejohet që televizioni shtetëror, i paguar dhe i mirëmbajtur me paratë tona të jetë një mjet për rrëzimin e unitetit kombëtar?
Pse po shikojmë (përmes televizionit shtetëror) fyerjen për faltoren e një miliardë e gjysmë muslimanëve suni në botë?
Allahu thotë në Kuran: “Besimtari duhet të jetë më afër besimtarëve sesa vetvetja”, dhe “gratë e tij janë si nënat e tyre”.
Gruaja e Profetit (s.a.v.s.) (Aishja, r.a.) është nëna e besimtarëve, kështu që pse televizioni shtetëror iranian po fyen dhe sulmon nënën e besimtarëve?
Kurani thotë për as’habët: “Allahu qoftë i kënaqur me ta dhe ata janë të kënaqur prej Tij.”
“As’habët pra janë njerëz që Allahu është i kënaqur me ta, kështu që pse po i mallkoni dhe i fyeni ata?”, ishin disa nga frazat “e rrezikshme” në fjalimin e deputetit rebel. /tesheshi.com/
