Deputeti i Partisë Progresive Serbe, Vladimir Gjukanoviç, ka thënë se rreziku i luftës është i sigurt, duke folur për situatën aktuale në Kosovë dhe negociatat ndërmjet Beogradit dhe Prishtinës në Bruksel.
https://twitter.com/i/status/1560716413647699971
“Do të jem jashtëzakonisht i hapur dhe jashtëzakonisht i sinqertë, nuk mendoj se kemi luksin të mashtrojmë njerëzit. Rreziku i konfliktit të armatosur, për të mos përmendur luftën, është shumë i sigurt. Përfundimi është se ne duhet të bëjmë gjithçka për të parandaluar që kjo të ndodhë.
Nëse ju kujtohet fushata jonë zgjedhore, fjalia kryesore që Aleksandar Vuçiç e përsëriste vazhdimisht ishte ruajtja e paqes dhe stabilitetit. Ne duhet ta shmangim atë sulm me çdo kusht, me faktin se duhet t’u themi hapur qytetarëve të Serbisë se është shumë e sigurt dhe se gjithçka mund të ndodhë”, tha njeriu që vetëm pak javë më parë do ishte në shënjestër të mediave rajonale për deklaratën e tij të denazifikimit të Ballkanit(nga serbët), siç është dhe kredoja ruse e agresionit ndaj Ukrainës. Më pas i tërhoqi fjalët duke thënë se ishte një shaka.
Kujtojmë se më datë 1 shtator, Kosova ka premtuar të zbatojë reprocitetin me Serbinë në kufi, një lëvizje që duket se ka mbështetje amerikane. Këtë akt, Beogradi e lexon si persekucion ndaj Veriut. /tesheshi.com/
