Ndërsa qeveria “Haradinaj” nuk pajtohet me marrëveshjen për Demarkacionin me Malin e Zi, për këtë të fundit kjo çështje është e kryer.
Nikollë Gegaj, funksionari i Partisë Demokratike të Socialistëve, partisë së ish-kryeministrit Millo Gjukanoviç që së fundmi ka deklaruar se për ta çështja e demarkimit të kufirit është e përfunduar dhe nuk ka arsye që të kthehemi mbrapa.
Gegaj më tej për gazetën “Pobjeda” ka deklaruar se Demarkacioni më së shumti është çështje e brendshme politike e Kosovës, e cila nuk do të ndikojë në përkeqësimin e marrëdhënieve të mira në mes dy vendeve.
“Ky nuk është problemi ynë, as nuk e shohim si një pengesë, sepse ne kemi përfunduar këtë proçes”, theksoi Gegaj.
Ai shtoi se kufijtë e ish-Jugosllavisë janë gjerësisht të pranuar dhe të konfirmuar edhe nga faktori ndërkombëtar.
“Ne kemi nënshkruar marrëveshjen me Kosovën në Vjenë dhe parlamenti ynë ratifikoi atë. SHBA-të dhe përfaqësuesit e BE-së çdo ditë u bëjnë thirrje partive politike të Kosovës që të ratifikojnë marrëveshjen , duke paralajmëruar se shtyrja e ratifikimit është e dëmshme për kredibilitetin e atij vendi në skenën ndërkombëtare.
Besoj se institucionet e Kosovës kanë kapacitet demokratik që të sjellin vendimet e duhura dhe Mali i Zi në këtë drejtim do të tregojë durimin e duhur”, ka deklaruar Gegaj./tesheshi.com/
