Deputeti i LDK-së, Ramiz Kelmendi ka deklaruar se liderët tonë politikë, së bashku me faktorët relevantë ligjor dhe kushtetues, duket të takohen dhe të arrihet një marrëveshje obliguese që të paguhen veteranët. Sipas tij, kjo marrëveshje do mundësonte kalimin dhe rishikimin e projektbuxhetit.
“Duhet që liderët tonë politikë të takohen dhe të gjejnë zgjidhjen politike për këtë çështje. Të gjenden rrugët, e ato politike janë themel i shoqërisë ligjore edhe kushtetuese.
Duhet të zgjidhet ‘forma 1’ e cila bashkon liderët e partive politike parlamentare së bashku me faktorët relevant ligjor dhe kushtetues, dhe të arrihet një marrëveshje obliguese që të paguhen veteranët.
Ne e kemi të qartë që rritja ekonomike e planifikuar mundëson pagesën, sepse edhe të ardhurat nga institucionet e mbledhjes së tatimeve i kemi në gjendje pozitive solide. Ky koncensus politik i mbështetur edhe nga kompetencat e presidentit, do mundësonte realizimin e obligimit ndaj veteranëve”, ka shkruar ai.
Këtë kërkesë Kelmendi e bazon në atë që gjendja dhe situata mund të eskalojë dhe kjo më së shumti do t’i shkonte, sipas tij, për shtat armiqve rrethanorë. /tesheshi.com/
