Pak vite më parë, Elbasani do bëhej epiqendra e futbollit shqiptar me “Elbasan Arena”-n, duke patur si “fat” kualifikimin e kuqezinjve për herë të parë në një Europian.
Ishte Rama ai që me rikonstruksonin e stadiumit solli shqiptarinë në kërthizën e hapësirave shqiptare në rajon, siç është Elbasani.
Tashmë, ky qytet, po nga Rama, po bëhet epiqendër e zhvillimeve diplomatike rajonale.
Është potencuar kjo nga deputeti socialist i Elbasanit, Florenc Spaho, i cili shkroi:
“Qyteti i Elbasanit këto dy muajt e fundit është përfshirë nga vizita të shumta të Kreut të Qeverisë, nga Ambasadorët rezidentë në Republikën e Shqipërisë, po ashtu edhe ngjarja e madhe e takimit dypalësh midis qeverive të Shqipërisë dhe asaj të Kosovës ku u firmosën marreveshje të rëndësisë së veçantë.
Sonte mysafirët janë Kryeministrat e tre shteteve të Ballkanit Perëndimor.
Fqinjët tanë janë në këtë darkë pune në kuadër të projektit ‘Open Ballkan’, një projekt i ideuar për të parë së bashku për të ardhmen e përbashkët.
Përsëri u përzgjodh Elbasani dhe qyteza e saj me e re ‘Fish City’, e cila ndodhet shume pranë qytetit.
Një qytezë model për ideimin dhe multifuksionalitetin e saj. Tërë keto vizita historike e kanë kthyer qytetin tonë në një epiqendër të rëndësishme të diplomacisë ekonomike dhe atraksion kulturor për tërë shqiptarët e trojeve shqiptare”, shkruan deputeti, njëherësh një besimtar musliman. /tesheshi.com/
