Një nga deputetët e listës “Basha”, i kërkoi këtij të fundit që ta njohë opozitën e re dhe të ulet më të për kushtin e listave të hapura, si e vetmja mundësi për votimin e marrëveshjes së Reformës Zgjedhore.
Ishte deputeti Halil Jakimi ai që tha se “Lulzim Basha duhet të ulet dhe të na njohë edhe ne, të na kërkojë ndihmë për të votuar sistemin me lista të hapura dhe jo të na akuzojë dhe shantazhojë. Se kur isha në parti isha djalë i mirë, dhe tani jam kthyer djalë i keq për atë. Për një produkt duhet të ulen të tre palët”.
Nga ana tjetër, kreu i grupit të PS, Taulant Balla, tregoi se në ç’situatë është vënë mazhoranca nga dy palë të një krahu politik, të cilat kanë inate me njëra-tjetrën.
“Nuk e kuptoj çfarë kërkojnë…Këta bëjnë presion duke ikur, Luli bën presion të votohet marrëveshja. Po kjo partia që unë përfaqësoj a ka të drejtë që të kërkojë gjë? Jemi dakord nëse hapen listat, por ka disa rregulla, pasi nëse hapen listat, fleta e votimit bëhet një libër me 100 faqe. Prandaj janë të lidhura me njëra-tjetrën. Por ju lutem, kjo histori që ju vini kushte duke ikur, ata duke bërtitur… Kush mendon se mund të na bëjë presion, opozita brenda apo jashtë parlamentit për marrëveshje, ta harroni. Na bojkoti nuk jemi surprizuar”, tha Balla. /tesheshi.com/
