Deputeti i AAK-së, Rasim Selmanaj shprehet optimist se në seancën e së mërkurës do të ketë zhvillime pozitive për çështjen e Demarkacionit me Malin e Zi.
Ai beson se deputetët e LDK-së do të reflektojnë për zhbllokimin e situatës në të cilën është sot Kosova.
“Pres që LDK do të reflektoj. Besoj që të mërkurën do të ketë zhvillime pozitive”, ka deklaruar Selmanaj për Telegrafin.
Sipas tij, Projektligji i sjellë në Kuvendin e Kosovës nga kryeministri Haradinaj mbetet në duart e deputetëve nëse do ta votojnë apo jo.
“Kam biseduar me shumë koleg pasi kryerjes së pauzës dhe është krejtësisht e panevojshme kjo situatë, pasi raporti i Bulliqit është raport shtetëror. Në seancën e jashtëzakonshme është projektligji që e ka sjell kryeministri e tash është në dorën e deputetëve për ta zhbllokuar situatën në të cilën është Kosova, në këtë rast te LDK-ja. Ne e kemi qëndrimin tonë shumë të qartë dhe LDK-ja duhet të heq dorë nga qëndrimi i tyre”, ka thënë Selmanaj. /tesheshi.com/
