Pengesë për përpjekjen e Finlandës(si dhe të Suedisë) për t’u anëtarësuar në NATO – e vetmja gjë ndoshta – është që në fillim Turqia dhe kërkesat e Presidentit të saj, Tajip Erdogan.
Po çfarë arme kanë finlandezët në duar për t’iu përgjigjur Turqisë? Bojkot i mallrave turke.
Këtë e mbështet edhe deputeti finlandez Mikko Karna i cili u bëri thirrje finlandezëve që të ndryshojnë
planet për pushimet në Turqi, të mos hanë qebap turk, të mos përdorin produkte turke dhe të mos blejnë makina të prodhimit turk.
Madje, gazeta turke Daily Sabah raportoi se deputeti pretendonte se doneri kurd është shumë më i mirë se qebapi turk. Por ai tha gjithashtu se do të hante qebap turk çdo ditë për një muaj nëse Ankaraja votonte në favor të anëtarësimit të Finlandës në NATO.
Lidhur me akuzat e Turqisë, Karna tha se vendi i tij nuk pret terroristë. “PKK njihet si një organizatë terroriste nga i gjithë Bashkimi Evropian,” kujtoi ai.
Erdogan i ka bërë thirrje Finlandës dhe Suedisë që të denoncojnë PKK-në dhe degët e saj dhe t’i japin fund kufizimeve të eksportit të armëve të vendosura nga të dy vendet ndaj Turqisë në fund të vitit 2019.
“Kushtet e Turqisë janë lojë e ftohtë e pushtetit të Erdoganit dhe jam absolutisht i bindur se Finlanda dhe Suedia do të pranohen pa asnjë problem në NATO dhe nga Turqia”, tha Karna. /tesheshi.com/
