Deputeti i vetëm shqiptar që doli nga zgjedhjet në Mal të Zi, Genc Nimanbegu ka shprehur habinë e tij për atë që shqiptarët kanë votuar partitë malazeze. Kjo sipas tij, duke parë rënien e numrit të votive të shqiptarëve:
“Sigurisht ende nuk janë rezultatet, por duket se janë 3000 mijë vota më pak. Janë partitë malazeze që kanë marrë votat e shqiptarëve”, tha Nimanbegu për Klan Kosova.
Më pas ai shprehu keqardhjen për shkak të përçarjes së shqiptarëve që sollën rënien në një mandat:
“Nëse do të ishim në lista të përbashkëta do t’i fitonim dy deputet.
Kësaj radhe kemi garuar me tri lista. Pozicioni im është i vështirë, ku unë përfaqësoj i vetëm mbi 8000 mijë vota të shqiptarëve në Mal të Zi.
Edhe ambiciet e liderëve politikë shqiptarë ka bërë që të mos dilet me një listë të përbashkët. Kjo është mësim i shtrenjtë për ne”, theksoi më tej Nimanbegu, i vetmi pra deputet shqiptar që do ketë parlamenti malazez nga disa që kishte vite më parë. /tesheshi.com/
