Deputeti demokrat Oerd Bylykbashi, denoncoi sërish atë që aid he partia e tij, e konsiderojnë kapje të drejtësisë nga Rama. Argumenti? Në gjykimin demokrat rasti Seitaj është më i freskëti.
“Personat që janë në hetim për krim të organizuar, trafik droge në çështjen e famshme “Tahiri-Habilaj”, dëshmitarin kyç si Seitaj që është në hetim nga Prokuroria e krimeve të Rënda, me vendim gjykate e transferon në Itali vetëm e vetëm që të mbyllë çështjen Tahiri-Habilaj”, tha Bylykbashi.
Sipas tij, është Tahiri ai që po e detyron Ramën që ky i fundit të jetë pengesë për drejtësinë.
“Rama është duke bërë çmos që nëpërmjet bllokimit të drejtësisë, me reformën që po kap edhe sot nëpërmjet KLGJ dhe KLP, duke vënë në dispozicion prokurorinë, policinë dhe çdo segement tjetër po bën çmos që të mbrojë Tahirin, mbron veten e vet. Në këtë nuk e lejojmë, do vazhdojmë luftën e fortë sepse pa u dënuar Tahiri dhe kriminelë të tjerë që mbështesin këtë qeveri Edi Rama nuk mund të bëjë drejtësi për shqiptarët”, theksoi më tej Bylykbashi. /tesheshi.com/
