Cilat janë procedurat dhe veprimet që do t’i ndërmarrë kryeparlamentari i ri shqiptar në Maqedoni, Talat Xhaferi? Kjo është pyetja që mundon opinionin në Maqedoni pas sulmeve në Kuvend. Lidhur me këtë, deputeti i BDI-së, Artan Grubi ka sqaruar se Talat Xhaferi tashmë ka nënshkruar të gjitha udhëzimet administrative për shërbimet në kuvend për t’a mundësuar punën e tij në postin e ri.
“Kemi kërkuar nga sekretari gjeneral i kuvendit që ë mundësojë kushtet që të funksionon kabineti i kryetarit të ri. Zyra nuk është institucion, por institucion është Talat Xhaferi. Ky është vullneti i shumicës së qytetarëve. Kemi marrë përgjigje dhe ai kërkon që kjo të publikohet në gazetën zyrtare. Ne kemi dërguar gjitha kërkesat për vendim në gazetën zyrtare dhe presim që kjo të bëhet sa më shpejt”, ka thënë Grubi.
Ai shtoi më tej se letra për presidentin Ivanov që të pranojë Talat Xhaferin si kryeparlamentar të ri dhe të japë mandatin për formimin e qeverisë së re, është vulosur, arkivuar dhe pranuar nga sekretari i përgjithshëm i kuvendit, duke sqaruar se para se të dorëzohet kjo letër te Ivanov, paraprakisht duhet që Xhaferi të shpallet si kryetar i ri në gazetën zyrtare.
Ndërsa sa i përket seancës së re në kuvend, Grubi tha: “Është vet Talat Xhaferi ai i cili do të vendos se kur do të konvokohet seanca e radhës në Kuvend”. /tesheshi.com/
