Në një fjalim në parlamentin shqiptar ku po diskutohet ligji mbi dekriminalizimin, deputeti dhe ish-gazetari Alfred Peza e ka cilësuar gabim termin “dekriminalizim” në raport me proçesin ligjor që ka ndërmarrë parlamenti. Dekriminalizim, tha Peza, do të thotë që ta legalizosh diçka kriminale.
Për ta ilustruar kritikën e tij, Peza morri si shembull qëndrimin e kolegut të tij, Kokëdhima për kanabisin. Ai quhet dekriminalizim, sipas Pezës, ku Koçoja kërkon që diçka kriminale dhe ilegale, ta shndërrohet në legale dhe kështu, hiqet nga lista e diçkaje kriminale, pra dekriminalizohet.
Po ashtu, deputeti Peza i bëri një rezyme proçesit të dekriminalizimit dhe në rrafshin ndërkombëtar, duke thënë se ai nuk është vetëm shqiptar dhe se nuk ka lindur tani, apo pas 23 qershorit, 2012. /tesheshi.com/
