Deputetët e PD-së nuk kanë lëshuar foltoren e Kuvendit deri në orën 13:00, duke detyruar kryetarin e Parlamentit, Gramoz Ruçi që të shtyjë për të 4 herë brenda pak orësh nisjen e seancës.
Ruçi ka njoftuar rinisjen e punimeve në orën 16:00, me shpresën se ligjvënësit demokratë do të largohen dhe Lulzim Basha, i cili u përjashtua nga seanca e sotme, nuk do të ljohet të hyjë në mjediset e Kuvendit.
Më herët Ruçi njoftoi në seancë përjashtimin e kreut të opozitës, pas mosbindjes së tij në lidhje me rregulloren e Kuvendit, ku i është kërkuar disa herë që të mos kalojë kohën që i ishte caktuar.
Pas tri herë ndërprerjesh, mesa duket opozita nuk i është bindur ‘urdhrit’ të Ruçit, ndërsa më herët atyre iu është rrëzuar edhe propozimi për diskutimet në lidhje me ngritjen e Komisionit Parlamentar për Reformën Zgjedhore. /tesheshi.com/
