Në seancën plenare të Kuvendit të Kosovës që po mbahet në sallën alternative, atë të improvizuar, nuk po merr pjesë asnjë deputet i opozitës.
Në atë sallë nuk janë lejuar të hyjnë as deputetët opozitarë: Besa Baftiu, Valdete Barjami dhe deputeti Mytaher Haskukaj.
Deputetja e VV-së, Besa Baftiu e cila nuk ka qenë e suspenduar, tha se nuk iu është lejuar të hyjnë në sallën e improvizuar.
Sipas saj, sigurimi nuk i lejoi të shkojnë në séance, edhe përkundër kontrollit të rreptë që iu është bërë.
Edhe deputetja e NISMA-s, Valdete Bajrami tha se kolegët opozitarë të cilët nuk ishin të suspenduar tentuan të shkojnë në sallë por nuk u lejuan.
“Edhe pse na kontrolluan në mënyrë të detajuar sa edhe këpucët na thanë t’i zhveshim, prapë nuk na lejuan të hyjmë në sallë”, tha Bajrami.
Ndryshe, deputetët e VV-së që kanë thyer masën ‘arrest shtëpiak’, Fisnik Ismaili e Faton Topalli janë lejuar nga policia të ngjiten shkallëve për të shkuar në sallën alternative.
/tesheshi.com/
