Depresioni është një e keqe e errët e cila prek të paktën një herë në jetë 11.5% të popullsisë në mbarë botën, e thënë me fjalë të tjera, një në 10 persona. Është një patologji shumë e nënvlerësuar dhe që mund të rekë çdo lloj moshe.
Mjeku i familjes ka një rol të rëndësishëm në bashkëpunim me specialistët përkatës, në parashikimin, diagnozën dhe kurimin e këtij shqetësimi. Vitin e shkuar, në kuadër të kësaj sëmundje dhe për kurimin e saj ka nisur punën projekti i Psyche në bashkëpunim me Shoqërinë Italiane të Psikiatërve, rezultatet e së cilit janë paraqitur në Kongresin Nacional të Shoqërisë Italiane të mjekësisë së Përgjithshme.
Në këtë projekt kanë marrë pjesë 299 mjekë nga 21 qytete të ndryshme të Italisë, të cilët kanë marrë të dhëna nga 2045 persona të prekur nga ky lloj depresioni.
“Psychè nuk është një studim klinik por një përballje mes praktikave të ndryshme profesionale. Nga ky hetim i yni rrjedh qartësisht mënyra se si persona të ndryshëm përballen me stresin dhe shqetësimet që ai sjell në familje. Është shumë e nevojshme të unifikojmë mënyrën e kurimit në bazë të kërkesave të ndryshme të të sëmurëve”,- ka thënë Ovidio Brignoli, drejtues i projektit./tesheshi.com/
