Ndryshe nga Haradinaj e Veseli, presidenti Thaçi e ka trajtuar ndryshe çështjen e ndalimit dhe deportimit të 6 gylenistëve. Krahas aspektit procedurial, Thaçi i është qasur dhe aktivitetit të tyre duke e thënë me gojën plotë se ata kanë bërë krime në Kosovë
“Deportim të shtetasve të huaj ka pasur edhe në të kaluarën duke respektuar procedurat në fuqi, procedurat duhet të sqarohen nga AKI dhe MPB dhe nëse ka pasur shkelje atëherë përgjegjësit duhet të japin llogari. Unë jam në dijeni se organet shtetërore janë duke hetuar këtë rast dhe po e presin përfundimin e tyre. Turqit e deportuar kanë kryer krime në Kosovë”, ka deklaruar presidenti kosovar duke shtuar më tej se “në prani të partnerëve ndërkombëtarë kemi pranuar një raport nga AKI-ja që në mënyrë të detajuar sqaron pse është kërkuar arrestimi i tyre. Sipas këtij raporti, arrestimi dhe deportimit i tyre ka të bëjë me veprimtarinë e tyre të paligjshme dhe të rrezikshme në Kosovë. Ata kanë rrezikuar sigurinë kombëtare. Sipas AKI-së, raste të tilla ka pasur edhe në të kaluarën”. /tesheshi.com/
