Kreu i shtetit turk, Rexhep Tajip Erdogan ka reaguar ndaj qëndrimeve të kryeministrit kosovar, Ramush Haradinaj, i cili shkarkoi ministrin e Brendshëm dhe kreun e Shërbimeve Inteligjente, pas ndalimin dhe deportimit të 6 shtetasve turq të njohur si gylenistë.
Në gjykimin e Haradianjt, dy zyrtarët e shkarkuar kanë shkelur procedurat, më së paku duke mos e informuar atë e të tjerë krerë të shtetit.
Por këtë sjellë të shefit të qeverisë së Kosovës, Erdogan e ka quajtur të papranueshme.
“Agjencia Turke e Inteligjencës, me një operacion në Kosovë i kapi dhe i solli 6 nga këta përfaqësues të lartë të FETO-s në Ballkan. Por, kam një pikëllim: kryeministri i Kosovës i largoi nga detyra personin në krye të inteligjencës dhe ministrin e Brendshëm. Unë tani pyes kryeministrin e Kosovës: Me udhëzim të kujt more një hap të tillë? Prej kur fillove t’i mbrosh ata që u përpoqën t’i bëjnë grusht shteti Republikës së Turqisë? Si mund t’i ushqesh këta njerëz që kanë bërë një tentativë për grusht shteti ndaj Turqisë e cila mirëpret Kosovën si një vëlla. Do të japësh llogari edhe t’i për këtë. Vëllezërit e mi kosovarë nuk i japin kredibilitet një kryeministri si ti. Vëllezërit e mi kosovarë, kosovarët që i njoh dhe i di, do të kërkojnë llogari prej teje për këtë. Unë e di edhe këtë”, tha Erdogan një fjalim të fundit partiak. /tesheshi.com/
