Kryeministri izraelit është kritikuar fort nga Departamenti Amerikan i Shtetit për komentet e tij të fundit, të bëra publike në një video të kësaj të premteje.
Në videon e publikuar një ditë më parë, Netanyahu i hodhi poshtë kritikat se ngulimet izraelite në Bregun Perëndimor ishin një pengesë për paqen, edhe pse ato konsiderohen ilegale sipas ligjit ndërkombëtar.
Diversiteti i Izraelit ishte ajo çka vihej në pah në videon e kryeministrit, të manifestuar, sipas tij, te thuajse dy milionë arabë që jetojnë në shtetin izraelit.
Netanyahu e ka ballafaquar këtë me një qëndrim që ai pretendon se është krejt i kundërt, “Por udhëheqja palestineze kërkon në të vërtetë një shtet palestinez me një parakusht: jo hebrenj!”
“Ky quhet spastrim etnik,” ka vënë pikën Netanyahu.
“Ne nuk pajtohem qartazi me karakterizimin se ata që e kundërshtojnë aktivitetin e ngulimeve apo e shohin atë si një pengesë për paqen po bëjnë thirrje në njëfarë mënyre për spastrim etnik të hebrenjve në Bregu Perëndimor,” do të thoshte zëdhënësja e Departamentit të Shtetit, Elizabeth Trudeau, në reagimin e saj.
“Ne besojmë se përdorimi i kësaj terminologjie është i padobishëm dhe i papërshtatshëm,” e çoi ajo më tej kritikën në emër të Departamentit të Shtetit.
Komentet e tij kanë marrë kritika dhe nga politikanë opozitarë në Izrael.
Ayman Odeh, i cili është në krye të Listës së Përbashkët, që i bashkon partitë arabe në parlamentin izraelit, e ka akuzuar Netanyahu-n për krijim të një realiteti imagjinar.
“Netanyahu nuk e vret mendjen se janë ngulimet që u ngritën saktësisht për ta përzënë mizorisht popullatën palestineze nga Bregu Perëndimor, për t’i kufizuar territoret rreth qyteteve të mëdha,” ka thënë ai përmes një postimi në rrjetet sociale. /tesheshi.com/
