Departamenti i Shtetit: Blinken, me qëndrim për Ballkanin Perëndimor

Udhëtimi i pritshëm për në Bruksel për takimin të krerëve të diplomacisë së NATO-s

Sekretari amerikan i Shtetit Antony Blinken do të shprehë mbështetjen e tij për demokracinë dhe stabilitetin rajonal në Ballkanin Perëndimor në takimin e ministrave të jashtëm të NATO-s në Bruksel, i cili do të mbahet në fillim të javës së ardhshme, njoftoi Departamenti i Shtetit.

“Blinken do të udhëtojë në Bruksel në periudhën 27-29 nëntor, ku do të theksojë mbështetjen e SHBA-së për demokracinë dhe stabilitetin rajonal në Ballkanin Perëndimor”, thuhet në njoftim.

Në deklaratë thuhet gjithashtu se ky do të jetë takimi i parë ministror i Këshillit të Ukrainës dhe NATO-s.

“Sekretari Blinken do të theksojë angazhimin e vendosur të Aleancës ndaj Ukrainës në luftën kundër agresionit rus dhe gjithashtu do të diskutojë prioritetet e Samitit të Uashingtonit në korrik 2024”, tha Departamenti i Shtetit. /tesheshi.com/