Opozita e Kosovës ka akuzuar Ministrinë e Arsimit se po lejon tekste në enklavat serbe ku heronjtë e shqiptarëve cilësohen si kriminelë.
Ka qenë Lëvizja Vetëvendosje, e cila në një konferencë për media me temë arsimin e shqiptarëve të Luginës së Preshevës dhe tekstet e Serbisë në Kosovë, ka shfaqur fakte skandaloze.
Shaip Kamberi nga Lugina e Preshevës tha se shqiptarët atje nuk i gëzojnë as të drejtat themelore që është njohja e diplomave shqipe qoftë për punësim apo shkollim.
Kamberi tha se shqiptarët e Preshevës kanë pritur që problemet esenciale të tyre të përfshihen në bisedimet e Brukselit, Kosovë – Serbi por një gjë e tillë nuk ka ndodhur. /tesheshi.com/
