Përdorimi i softwer-it izraelit të spiunazhit “Pegasus” u përhap në vendet e Bashkimit Europian, përfundon raporti i një komisioni hetimor të Parlamentit Europian.
“Qeveritë e vendeve anëtare të BE-së e kanë përdorur këtë softuer kundër qytetarëve për qëllime politike”, thuhet në draft raportin e publikuar, ku saktësohet se ka të dhëna që një gjë të tillë e kanë bërë Polonia, Hungaria, Greqia, Qiproja dhe Spanja.
Por Austria është theksuar më së shumti për shkak se ish-kancelari Sebastian Kurz ka lidhje të ngushta me pronarin e kompanisë izraelite NSO, e cila zhvilloi Pegasus-in famëkeq.
Në raport thuhet se Austria është selia e kompanisë DSIRF (Decision Supporting Information Research and Forensic), e cila konsiderohet si ofrues i softuerit për spiunazh dhe zyrtarë të lartë të kësaj kompanie kanë kontakte me Rusinë dhe Kremlinin.
“Një kërcënim i madh për demokracinë”
Pasi ekspertët e sigurisë së Microsoft-it akuzuan DSIRF se qëndron pas një sërë sulmesh dixhitale ndaj bankave, firmave ligjore dhe kompanive strategjike në të paktën tre vende, raportohet se siguria shtetërore austriake hetoi, por nuk gjeti prova të softuerit spiun.
DSIRF zhvilloi softwer të quajtur “Subzero”, i cili përdor të ashtuquajturat Zero-Day-Exploits për të fituar akses në të dhënat dhe fjalëkalimet konfidenciale, pretendoi Microsoft në korrik.
“Zhvillimi i ‘spyëare’ në vendet anëtare të BE-së është një kërcënim i madh për demokracinë në të gjithë kontinentin”, theksoi raportuesja kompetente e Parlamentit Evropian, Sophie in ‘t Veld, nga Holanda, sipas mediave austriake.
Sipas saj, “spyware” jo vetëm që cenon të drejtat në sferën private, por edhe minon institucionet demokratike dhe hesht opozitën dhe kritikët.
Gjithashtu, një softwer i tillë, shton ai, ka një efekt të frikshëm në lirinë e medias dhe shoqërinë civile dhe shërben për të ndikuar në zgjedhje.
“Sulmet ndaj demokracisë vijnë nga brenda”
“Është një skandal europian”, pasi u sulmuan edhe institucionet e BE-së dhe u ndikua vendimmarrja në Union, pohon In ‘t Veld.
Ajo u ankua se asnjë institucion zyrtar nuk dëshironte të bashkëpunonte me të në përgatitjen e raportit dhe as Këshilli i BE-së nuk iu përgjigj pyetjeve të PE-së në këtë drejtim.
“Kjo është arsyeja pse fotografia nuk është e plotë, ne kemi vetëm 900 pjesë të një puzzle prej 1000 pjesësh”, tha ajo.
“Komisioni Evropian po bën zhurmë për demokracinë dhe luftën kundër lajmeve të rreme, por kur sulmet ndaj demokracisë vijnë nga brenda, Komisioni hesht”, tha In ‘t Veld.
Ajo deklaroi se KE i tregon muskujt e saj Elon Musk, por përdor doreza pelushi për t’iu drejtuar anëtarëve të BE-së që përdorin “spyëare” kundër qytetarëve. /tesheshi.com/
