Gjykata e Hagës në fillim caktoi një datë tjetër për të shpallur dënimin e saj për procesin kundër Radovan Karaxhiqit, zbatuesit të politikës së shfarosjes në masë të myslimanëve të Bosnjës. Katër muaj më parë qeveria kërkoi zyrtarisht të jepet një datë tjetër që vendimi të mos influenconte në zgjedhjet e parakohshme parlamentar dhe Dhoma Penale e Gjykatës Ndërkombëtare të Krimeve të Luftës për ish-Jugosllavinë caktoi vërtetë një tjetër datë që ishte 24 marsi.
Pikërisht dita kur NATO bombardoi mbi Serbi pas konferencës së Rambujesë, ishte caktuar dita e vendimit të Hagës. Dhe nuk dukej se ishte si një rastësi pasi sot Beogradi bëri politikë, si elektorale ashtu edhe politikë të vjetër armiqësore ndaj popujve të tjerë.
Ndërkohë që Haga dënoi vetëm me 40 vjet burg duke e shpallur fajtor për gjenocidin në Srebrenicë dhe gjithë Bosnjen, kreun e asaj kasaphane shfarosjeje, Beogradi nuk kërkoi falje.
Presidenti i Bosnjë Hercegovinës dhe i biri i Presidentit legjendar Alija Izetbegoviç, Beqiri, e cilësoi vendimin e sotëm të Hagës si “Nurembergu i dytë”.
Por në fakt, ata që u dënuan në Nuremberg, pra krerët e makinës naziste, ose morën dënimin me vdekje ose dënimin e përjetshëm. Masa e dënimit është edhe një profilaksi që gjëra të tilla të mos ndodhin më, por edhe simbol për atë që duhet vënë drejtësia kundër të keqes.
Trupi Gjykues i Hagës, edhe pse e cilësoi fajtor Radovan Karaxhiçin, ai bëri një “pazar” duke vendosur një numër.
Pasi nuk ka rëndësi sesa do të jetojë Radovan Karaxhiçi, pasi vendimi jepet për njeriun që kreu shfarosjen dhe gjenocidin e popullsisë myslimane të Bosnjës.
Ndërkaq krerët e Beogradit, në vend që të tregonin sërish një ndjesë dhe keqardhje kanë folur me gjuhën cinike.
Kryeministri serb, Aleksandër Vuçiç, tha që “nuk do të lejojmë që dikush të flasë kundër Serbisë duke përdorur Karaxhiçin. Ne nuk lejojmë askënd të na sulmojë pasi ne jemi serbë”. Po fiks, serbë që lejuan dhe përkrahën një monstër si Radovan Karaxhiçi. Vuçiç në atë kohë ka qenë “pionier i tij”, i çonte birrat ndërsa deheshin e bëheshin dhogë bashkë me doktorin-shejtan që u shpall sot fajtor në Hagë./tesheshi.com/
