Në një prononcim dy ditë pas vizitës së kryeministrit Rama në Athinë, ministri i Jashtëm grek Nikos Dendias vlerësoi faktin që shefi i qeverisë shqiptar kishte mirëkuptuar, bazuar në precedentin shqiptar të 30 vite më parë, zgjerimin e Greqisë me 12 milje në Jon.
“Është veçanërisht e rëndësishme të kujtojmë se Z. Rama pranoi se Greqia ka të drejtën e patjetërsueshme për të zgjatur ujërat e saj territoriale në 12 milje.
Ai shtoi, në fakt, se Shqipëria kishte bërë të njëjtën gjë 30 vjet më parë. Dhe kështu asnjë vend tjetër nuk mund ta kundërshtojë këtë të drejtë”, theksoi Dendias.
Sa për Paktin Detar, kryediplomati grek tha se shumë shpejt palët do shkojnë drejt Hagës për ta zgjidhur.
“Me kryeministrin grek Edi Rama, kemi një marrëdhënie të shkëlqyer bashkëpunimi. Unë pata mundësinë të bisedoja gjerësisht me të për të gjitha çështjet bilaterale dhe rajonale, si gjatë vizitës sime në Tiranë dhe gjatë vizitës së tij në Athinë pardje.
Për çështjen e rekursit në Hagë, ekipet përkatëse teknike po vazhdojnë punën e tyre.
Qëllimi është që premtimi i përbashkët të nënshkruhet dhe të paraqitet sa më shpejt që të jetë e mundur në gjykatë, mendoj pas zgjedhjeve parlamentare në Shqipëri në 25 prill”, tha Dendias. /tesheshi.com/
