Pllakati përkujtimor i një heroi të UÇK-së, Ali Ajetit në Shtedim të Podujevës, është dëmtuar rëndë nga persona ende të paidentifikuar. Kjo ka çuar në irritimin e familjarëve dhe ish-shokëve të tij të armëve, të cilët janë shprehur gati të mllefosur për këtë akt të ulët.
Ata e shohin këtë që ka ndodhur dhe si një harresë të institucioneve, si një mungesë ndjeshmërie ndaj tyre, për t’u përkujdesur mbi ruajtjen dhe mirëmbajtjen e pllakateve apo memorialeve në kujtim të heronjve të luftës apo betejave të ndryshme, të cilat herëherës edhe dëmtohen qëllimshëm, apo që dhe degradojnë nga faktorë jo-njerëzorë.
Ndërsa rasti i pllakatit të Ali Ajetit, siç e pasqyron Koha Ditore në një raportim të saj, është pasqyrimi më i saktë i kësaj situate.
Nga ana tjetër, autoritetet lokale në Podujevë kanë bërë gati procedurat për një shtatore të tij në qendër të qytetit, por pa u merakosur mbi dëmtimin e pllakatit të tij përkujtimor të dëmtuar e të lënë në harresë. /tesheshi.com/
