Lëvizja Vetëvendosje ka deklaruar me anë të një postimi në rrjetin social “Facebook” se forcat policore kanë lënduar rëndë deputeten Albulena Haxhiu. “Lëndohet rëndë nga Policia brenda Kuvendit deputetja Albulena Haxhiu.”, citohet në faqen e Fb të VV-së. “Edhe Visar Ymeri, Albin Kurti, Aida Dërguti, Shqipe Pantina, e të tjerë, u larguan dhunshëm nga salla e Kuvendit.”, shkruan më tej VV.
Disa minuta më parë, deputeti i Lëvizjes Vetëvendosja, Finsik Ismalji është nxjerrë forcërisht nga forcat e sigurimit nga salla e Kuvendit. Fill pas kësaj ndodhie, Ismaili ka reaguar në lidhje me ngjarjen, ndërsa ka theksuar se ai ishte ulur në momentin kur u hodh gaz lotsjellës.
Nga ana tjetër, Kuvendi i Kosovës ka njoftuar se do të nis punimet në orën 15:00. Vendimin për këtë e ka marr kryesia e Kuvendit pas zhvillimeve të fundit. “Pas zhvillimeve të ndodhura në seancën e sotme si pasojë e veprimeve të opozitës Kryetari i Kuvendit të Kosovës, Kadri Veseli, ka dhënë një pauzë. Seanca do të vazhdoj me punimet e saj në orën 15:00”, citohet në reagimin e Kuvendit. /tesheshi.com/
