Sokol Cikalleshi mund të jetë mungesa e madhe e Kombëtares së Shqipërisë, në dy ndeshjet ndaj Spanjës dhe Italisë.
Sulmuesi ka pësuar një dëmtim relativisht të rëndë gjatë stërvitjes, e sipas mjekëve, nuk mundet të aktivizohet në këto dy ndeshje.
Pavarësisht se vjen nga një formë shumë e mirë e shfaqur në kampionatin turk, e se mund të ishte projektuar si maja e sulmit të Shqipërisë, Cikalleshi do të mungojë sërish në përballjet e kuqezinjve.
Ndërkohë mes lojtarëve të grumbulluar nga trajneri Panuci, kanë shfaqur shenja gripale edhe Agolli, Berisha e Hysaj, të cilët janë stërvitur në mënyrë të diferencuar, pa vënë në dyshim prezencën në ndeshjen e së premtes me Spanjën. /tesheshi.com/
