Persona të paidentifikuar kanë dëmtuar zyret e Lëvizjes Vetëvendosjes në Drenas duke e hequr logon e kësaj partie. Këtë e ka konfirmuar kjo parti përmes një komunikate për media, me ç’rast thotë se nuk e trembin aktet e tilla.
“Ky rast i dyshimtë dhe qëllimkeq është paraqitur edhe në Polici. Ne i ftojmë organet e rendit që ta zbardhin këtë rast sa më parë. Këto raste me motive të errëta politike nuk na trembin e as nuk na frikësojnë. Këto raste veçse na detyrojnë që të punojmë edhe më shumë. Drenasi ka nevojë për çlirim”, thuhet në reagimin e VV-së.
Ndaj këtij sulmi ka reaguar edhe Shemsi Elezi, kandidat i VV-së në lokalet e fundit për kryetar komune.
“Ky akt vandal me motive politike nuk na ndalë në veprimet tona në shpërfaqjen e keq-qeverisjes në Komunën e Drenasit” shkruan ai në Facebook. /tesheshi.com/
