Në një bregore mbi shtëpitë e fshatit, Banjskë, për ballë të Manastirit ortodoks të këtij fshati të Komunës së Zvecanit, gjinden varrezat e komunitetit fetar Islam, të lëna tërësisht pas dore e cilat janë dëmtuar shumë nga punimit në zgjerimin e rrugës që të shpie për qytetin Novi Pazar, përmes bjeshkëve të Rugoznës.
Eshtra të gjymtyrëve dhe kafka të njeriut tani janë gjithandej rrugës, dëshmi për këtë janë edhe fotografitë që janë bërë.
Për dëmtimin e rëndë të varrezave që në Banjskës, njihen si varreza turke, janë të njoftuar edhe institucionet vendore dhe ndërkombëtar, por kanë preferuar të heshtin ka thënë burimi i portalit ‘tesheshi’ .
Sipas tij, “varrezat janë dëmtuar rëndë kur strukturat paralele të Serbisë që veprojnë në Kosovë, kanë filluar që të zgjerojnë rrugë alternative për të kontrabandu mallra në Kosovë nga Serbia përmes, Novi Pazarit”.
Burimi më tej i ka thënë portalit se “shumë eshtra të kufomave që kanë dalë aty gjatë zgjerimit të rrugës me qëllim nga punëkryesi janë hedhur diku tjetër, por kohë pas kohe aty kanë duke dal edhe eshtra të tjerë të cilët po ashtu janë duke u larguar nga banorët në destinacion të pa dituar”.
Në anën tjetër, Këshilli i Bashkësisë Islame në Mitrovicë, kërkon nga institucionet vendore dhe ndërkombëtar që të ndërhyjnë menjëherë dhe varrezat të kthehen në gjendje të mëparshme në mënyrë që të mos lejohet përdhosja e të vdekurve.
Jetish Berisha, kryetar i Këshillit të Bashkësisë Islame në Mitrovicë, lidhur me këtë ka theksuar se “BI-ja shpreh keqardhje, për përdhosjen e varrezave myslimane në fshatin Banjskë të Komunës së Zveçanit, e cila përdhosje dyshohet të jetë kryer nga ana e komunitetit serb”.
“Eshtrat e të varrosurve myslimanë tani gjinden të shpërndarë nëpër rrugë dhe janë duke u hedhur vend e pa vend”, ka thënë Berisha.
Për këtë rast të përdhosjes së varrezave të shqiptarëve, boshnjakëve, turqve, pra të komunitetit mysliman, Këshilli i Bashkësisë Islame në Mitrovicës, është njoftuar të kohë më parë nga një burim jo zyrtarë dhe ne jemi duke marra masa që të shkojmë në vendngjarje dhe nga afër të shohim se çka ka ndodhur aty ka thënë kryetari I KBI-së, Jetish Berisha.
Sipas tij “KBI-ja kërkon nga organet përgjegjëse të Kosovës si dhe ato ndërkombëtar si EULEX-I, KFOR-I si dhe nga ambasadat e kuintit që janë të vendosura në Kosovë që urgjentisht të ndërmarrin masa, që të ndalohet menjëherë degradim dhe përdhosja e varreza myslimani në fshatin Banjskë”.
“Përdhosja e varrezave myslimane është bërë nga kompania që ka bërë zgjerimin e rrugës në fshatin Banjskë duke dëmtuar rëndë varrezat, shumë varre-kocka të të varrosurave tani më janë ekspozuara në rrugë dhe të pa mbrojtura nga askush”, ka thënë Berisha.
Sipas tij, zgjerimi i rrugën në këtë pjesë të fshatit Banjskë sipas informacioneve të KBI-së në Mitrovicë, është bërë më urdhër të strukturave paralele të Serbisë që veprojnë në veri të Kosovës, pra me iniciativë të komunës paralele të serbëve në Zveçan.
“Përdhosje institucionale e varrezave myslimane, për ne Bashkësinë Islame të Mitrovicës që menaxhon ato varreza është e pa pranueshme pasi që është bërë nga Institucionet e jo nga Individët”, ka thënë i pari I KBI-së në Mitrovicë.
Sipas tij, varrezat, e myslimanëve në këtë pjesë të fshatit Banjskë, ekzistojnë qysh nga vendosja e komunitetit myslimanë në atë pjesë shekuj më parë.
“Në këtë fshatë ka ekzistuar xhamia e cila është rrëzuar, nga pushteti komunist i kohës në vitin 1975 dhe ende nuk është ndërtuar xhamia e re’. ‘Bashkësia Islame ka truallin aty e do të kërkojë më ngulm që xhamia të ndërtohet në vendin e tokën e saj”, ka thënë kreu i KBI-së në Mitrovicë.
Sipas tij, Bashkësia Islame e Mitrovicës kërkon nga organet përgjegjëse që ti mundësoj, këtij komuniteti fetar të shkojë në vendin e ngjarjes të mbledhë eshtrat dhe t’i rivarrose në bazë të riteve fetare Islame.
“Si bashkësi Islame kemi reaguar edhe ndajë thyerjes së gurëve të varrezave të komunitetit Ortodoks në jug të Mitrovicës, andaj kërkojë nga përgjegjësit e lartë të Kishës Ortodokse dhe të Manastirit të Banjskës, që të reagojnë në përdhosjen e varrezave myslimani në fshatin Banjskë të Zveçanit”, ka pohuar Berisha.
“Është e vërtet se varrezat janë lënë të pa mbikëqyrura për arsye se Bashkësia Islame e Mitrovicës nuk ka pasura qasje në atë territor”, ka thënë Berisha.
Në ana tjetër, shefja e zyrës administrative të Kosovës në veri të Mitrovicës Adriana Hoxhiq, ka theksuar se jam njoftuar për këtë problem kohë më parë, kam dal në vendin e ngjarjes dhe kam para se varrezat e myslimanëve në fshatin Banjskë janë dëmtuar shumë pasi që zgjerimi i rrugës i ka dëmtuar ato.
“Për këtë çështje duhen të merren organet përgjegjëse në mënyrë që ato të sanohen duke u kthyer në gjendjen e më si kanë qenë”, ka thënë Hoxhiq.
Në anën tjetër, z/Drejtori i policisë për rajonin e veriut, Besim Hoti, ka theksuar se policia pas marrjes së informacionit menjëherë ka dalë në vendin e ngjarjes.
“Kemi vërejtur se varrezat e komunitetit mysliman janë të dëmtuar, vërehen eshtra të cilët tani më janë aty”, ka thënë Hoti.
Policia rastin do ta hetoj duke bashkëpunuar edhe me organet tjera ka thënë Hoti.
Sipas tij, dëmtimi I varrezave sipas gjurmëve që janë vërejtur në vendin e ngjarjes është bërë kohë më parë. /tesheshi.com/
