Deputetët e opozitës bllokuan foltoren e Kuvendit me kërkesën për përjashtimin e kryeministrit Rama.
Kërkesën e bëri kryedemokrati Basha me pretendimin e një fjalori të ulët nga ana e kreut të mazhorancës, seancën e kaluar.
Para këtij momenti, Basha mbajti një fjalë të ashpër ndaj qeverisë duke u nisur nga 11 kuksianët e mbajtur në burg të cilët po gjykohen për aktet e dhunës në Rrugën e Kombit.
Seanca ka në rend ditë një marrëveshje mes Shqipërisë dhe Kosovës për çështjen e pensioneve.
Ndërkohë, risi e seancës është rikthimi në Kuvend i Saimir Tahirit si deputet i pavarur.
Tahiri mungonte në seanca që nga përjashtimi që iu bë prej grupit socialist. /tesheshi.com/
