Udhëheqësi i Demokratave në Senat, Chuck Schumer thotë se Presidenti Trump nuk ka autoritet të shkojë në luftë me Iranin pa miratimin e Kongresit.
“Nuk ka nevojë të derdhni lotë për vrasjen e Soleimanit, por Presidenti Trump duhet të ishte konsultuar me liderët e Kongresit përpara se të vepronin forcat amerikane”, i tha Schumer Senatit pas vrasjes së gjeneralit iranian në Irak.
Ai gjithashtu vuri në dukje se operacioni kundër Soleimanit ishte kryer pa miratim specifik dhe njoftim paraprak ose konsultim me Kongresin.
Komandanti Soleimani, i cili drejtonte njësinë elitare të Gardës Revolucionare Iraniane, u vra herët të premten në mëngjes në një sulm amerikan në Bagdad, dhe Departamenti i Mbrojtjes i SHBA tha që sulmi u krye nga forcat amerikane nën direktivën e Presidentit Donald Trump.
Pentagoni akuzoi Soleimanin për komplot për të sulmuar diplomatët dhe zyrtarët amerikanë në Irak dhe rajon, duke thënë se udhëheqësi i vrarë ishte përgjegjës për vdekjen e qindra amerikanëve dhe partnerëve të koalicionit. /tesheshi.com/
