Demokratët në senatin amerikan bllokuan nismën e republikanëve për të minuar marrëveshjen bërthamore mes Iranit dhe perëndimit, duke i dhënë presidentit Obama një fitore të arritur me shumë vështirësi.
“Kjo marrëveshje me Iranin është mundësia jonë për të testuar diplomacinë e ashpër”, tha senatori Dick Durbin në një deklaratë në mediat sociale, ku bëri thirrje për bashkim me qëllim një botë më paqësore.
Votimi procedurial përfundoi 58 me 42, duke rezultuar me dy vota më pak për bllokimin e procedurës që nuk do të lejonte mbajtjen e votimit final në dhomën prej 100 anëtarësh.
Rezoluta tashmë nuk do të shkojë as në tryezën e Obamës, ndërsa ai ishte zotuar të vendoste veton nëse drafti do të kalonte në votim.
Zmbrapsja e draftit përbën një fitore të rëndësishme për presidentin Obama, i cili e ka shndërruar marrëveshjen me Iranin një shenjë dalluese të trashëgimisë së tij në politikën e Jashtme.
Presidenti vlerësoi veprimin e senatit, duke thënë se bëhet fjalë për një përparim historik. “Ky votim është një fitore për diplomacinë, për sigurinë kombëtare të Amerikës dhe atë të botës”, theksoi Obama. /tesheshi.com/
