Guvernatori i Uashingtonit, Jay Inslee ka akuzuar Donald Trump për “nxitje të rebelimit të brendshëm dhe përhapjen e gënjeshtrave”, pasi presidenti amerikan u tha mbështetësve të tij që të “çlirojnë” tre shtete federale të drejtuara nga qeveritarët demokratë.
“Mesazhet e Presidentit janë inkurajuese për praktikat e paligjshme dhe të rrezikshme. Ajo i vë miliona njerëz në rrezik për t’u infektuar,” tha Inslee në një tweet.
“Thirrjet e tij për njerëzit që ‘të çlirohen’ shtetet mund të çojnë në dhunë. Ne e kemi parë edhe më parë. Presidenti inkurajon rebelimin dhe përhap gënjeshtra, edhe kur administrata e tij pretendon se virusi është vdekjeprurës dhe ka një rrugë të gjatë për të bërë përpara se të hiqen kufizimet”, shtoi ai.
Trump është vazhdimisht i etur për të filluar ekonominë shpejt, dhe në fillim të kësaj jave pretendoi se ai kishte “autoritet të plotë” për çështjen, megjithëse masa kufizuese u vendosën nga liderët lokalë dhe jo nga shtetet. /tesheshi.com/
