Ligjvënësit republikanë dhe demokratë të SHBA-ve po përpiqen të ushtrojnë presion ndaj presidentit Donald Trump që ky i fundit të ushtrojë më shumë presion ndaj zbardhjes së çështjes “Khashoggi”, duke kërkuar llogaridhënie nga Arabia Saudite.
Nisma vjen pikërisht në përvjetorin e parë të eliminimit me takt të gazetarit të Washington Post i cili ishte edhe “kundërshtar letrash” i Mbretërisë Saudite.
Një zyrtar amerikan i tha Reuters se mesazhi për Mbretërinë Saudite është se ajo është “çështje shumë e nxehtë” dhe “ata duhet ta marrin më seriozisht.”
Ligjvënësit madje kanë sjellë prova mbi rolin e princit të kurorës Saudite, Mohammed bin Salman lidhur me rastin Khashoggi dhe kanë bërë thirrje për të bllokuar shitjet e armëve amerikane në Arabinë Saudite.
Zyrtari, duke folur në kushte anonimiteti, tha se sauditët as që kanë nisur të kryejnë hetimet që ju takojnë, por nuk specifikoi ndonjë pasojë për këtë. Administrata e Trump ka marrë vetëm hapa minimal.
Khashoggi, një kolumnist i Uashington Post dhe një rezident amerikan, i cili ishte bërë kritik i zëshëm i princit, u zhduk pasi hyri në konsullatën saudite në Stamboll më 2 tetor, sipas raporteve te CIA-s. Njëmbëdhjetë të dyshuar saudit janë vënë në gjyq në procedura të fshehta por vetëm disa seanca dëgjimore mbajtur që nga janari.
Trump ka shprehur dyshime rreth vlerësimit të CIA-s dhe ka argumentuar se Uashingtoni nuk duhet të rrezikojë aleancën e saj me Rijadin, aleati kryesor amerikane kundër Iranit. /tesheshi.com/
