Kohët e fundit në botën e modës dhe të show bizit, është bërë trend kthimi nga takat e larta në mbathje të rrafshëta. Disa prej tyre, si Victoria Beckham apo aktorja Sarah Jessica Parker, kanë vendosur që të flakin takat e larta dhe të veshin këpucë të rrafshëta, për shkak të, siç thonë ato: “funksionalitetit të këpucëve të rrafshëta por edhe shëndetit të shputave të këmbëve”.
Në lidhje me këtë, pedikyristi Andrew Gladstone flet për dëmet e mundshme që veshja e takave u shkakton këmbëve tona. Lista e efekteve anësore është e gjatë.
“Takat e larta mund të çojnë në formimin e kallove (hiperkeratoza) në shputa, kallo në gishta të këmbës, thonj të dëmtuar dhe të trashur të këmbës, përkeqësim të gjendjes së quajtur bunion (deformim i nyjes së gishtit të madh të këmbës), krijimin e lëkurës së trashur, ndikojnë në gjunjë dhe legen, dhe ndikojnë në funksionimin e këmbëve më vonë në jetë”, thotë Gladstone.
Një studim i Universitetit Stanford, i publikuar në një numër të Journal of Ortopedic Research në dhjetor të vitit 2014, ka gjetur se veshja e takave të larta mund të shkaktojë tendosje të nyjes së gjurit dhe të çojë në osteoartrit, lloji më i zakonshëm e artritit në Britaninë e Madhe sipas Shërbimit Shëndetësor Kombëtar.
Për ata që janë të përkushtuar të veshin taka, Gladstone rekomandon veshjen e “këpucëve me taka vetëm në raste të veçanta”, dhe të zgjedhin këpucë “të ndjeshme”, kur të marrin shëtitje të gjata.
Këshilla e tij është e thjeshtë: “Dëgjoni këmbët tuaja – në qoftë se ato dhembin, atëherë ndoshta ato duhet të zbresin poshtë!”/tesheshi.com/
