Ndërsa, Demarkacioni me Malin e Zi vazhdon të përplas pozitë e opozitë dhe nuk ka një datë se kur mund të rikthehet në Kuvend për tu marrë një vendim, nënkryeparlamentari, Xhavit Haliti nuk sheh një zgjidhje të shpejtë të kësaj çështjeje.
Ai mendon se zgjidhja më e mirë do të ishte që çështja e ratifikimit të Demarkacionit të dërgohet në Gjykatën e Arbitrazhit pasi kështu do të merrej një vendim ndërkombëtar.
“Çështja e Demarkacionit nuk është e lehtë të procedohet. Qeveria e ka të vështire për faktin se një pjesë e anëtarëve të qeverisë kanë qenë kundërshtues të demarkacionit, por nëse komisioni konstaton se ka qenë në rregull po besoj që mund ta sjellin në Kuvend, por nëse jo duhet të presim dhe të shohim se si do të procedojmë dhe se si do të veprojmë për tu përafruar në çështjet tjera që na kërkohen për liberalizimin e vizave jo vetëm në demarkacion”, ka deklaruar Haliti.
Ai më tej tha se çfarëdo vendimi që do të marrë Kuvendi ose qeveria, marrëveshjen e nënshkruar dhe miratuar për Demarkacion nuk mund ta ndryshojë askush në qoftë se nuk ka një marrëveshje shtesë me Malin e Zi. /tesheshi.com/
