Seanca e radhës e Kuvendit të Kosovës është vendosur të mbahet të enjten e 25 janarit, po as më këtë datë nuk do të jetë në rendin e ditës ligji për Demarkacionin me Malin e Zi.
“Ligjin për demarkacionin nuk do ta kemi në seancë plenare për arsye se komisioni parlamentar nuk e ka sjellë në kohën e duhur që të trajtohet në seancën e radhës. Do të presim të procedojmë, por që për këtë mbledhje nuk ka qenë e përgatitur”, ka deklaruar kryekuvendari Kadri Veseli, i pas përfundimit të mbledhjes së Kryesisë.
Kështu, ligji që ndërkombëtarët e presin me padurim të miratohet, po kalon tashmë dhe në kalvarin e procedurave, pa llogaritur kundërshtimet e natyrës politike.
Demarkacioni është ndër ccështjet më të mprehta të Kosovës në raport me ndërkombëtarët. Këta të fundit e kanë vendosutr si kusht kalimin e tij në parlament, për liberalizimin e regjimit të vizave. /tesheshi.com/
