Presidenti Hashim Thaçi, raportin e prezantuar për Demarkacionin nga Komisioni i drejtuar nga Shpejtim Bulliqi para kabinetit qeveritar, e ka quajtur qesharak pasi sipas tij nuk ka asnjë argument.
Ai ka mbrojtur versionin që e ka nënshkruar duke thënë se marrëveshja e kaluar ka qenë e drejtë dhe korrekte, e shtuar se për atë marrëveshje ka punuar katër komisione të vendit dhe ndërkombëtare.
Ai madje ka thënë se Bulliqi dhe anëtarët e tjerë, raporti i të cilëve sipas Thaçit, do të ketë vlerë vetëm për ta, duhet të mbajnë përgjegjësi për izolimin e qytetarëve të Kosovës.
“Pres që spektri politik të dalë nga interesat grupore dhe të votojë në të mirë të shtetit. Krejt qesharak duke mos prezantuar asnjë argument të ri. Gjithashtu, më tepër deklarimin emocional në bazë të frustrimit dhe betejës në mes të profesorëve gjeografik. Sot ai fjalim i tyre, dëshmoi edhe njëherë se këta njerëz bartin përgjegjësi që tash e tri vite Kosova mbetet vend i izoluar”, ka thënë ai.
Thaçi u ka bërë thirrje deputetëteve që ta votojnë projektligjin për demarkacionin, për të cilin duhen 2/3 e deputetëve të Kuvendit duke e përgëzuar qeverinë që e ka proceduar bashkë me raportin e Bulliqit si shtojcë. /tesheshi.com/
