Demarkacioni ka rikthyer përplasjet politike në Kosovë, ku PDK e LDK kanë fituar betejën që kjo marrëveshje të dërgohet në Kryesi të Kuvendit pa ndonjë rekomandim dhe ajo të vendosë si të procedohet më tutje, çka është kundërshtuar nga AAK-ja Vetëvendosje e NISMA, të cilat kanë qenë që ky projektligj t’i shkojë Kuvendit me propozim që të mos votohet kjo marrëveshje.
Anëtarët e Komisionit për Punë të Jashtme, Diasporë dhe Investime Strategjike gjatë diskutimit për marrëveshjen në fjalë më shumë janë marrë me punën e komisionit të formuar nga Haradinaj, e kryesuar nga ish-deputeti i LDK-së Shpejtim Bulliqi, si dhe punën e ish-komisionit “Meha”.
Ja përplasjet mes partive për Demarkacionin…
Kryetarja e Komisionit Vjosa Osmani, tha se shpreson që deri sot kanë një sërë sqarimesh deri sot s’kanë material të ri.
“Po propozoj që dokumentin që na ka përcjell qeveria ta dërgojmë për shqyrtim Kryesisë. Por pa dhënie të ndonjë rekomandim që marrëveshja të votohet pro apo kundër. Dhe projektligji të mbetet në vullnetin e deputetëve të vendosin si të votojnë”, tha Osmani.
Elmi Reçica ng PDK, ka kritikuar Komisionin “Bulliqi” për të cilin nuk ka sjellë asnjë të re dhe se duhet të vendos Kryesia.
“Sa kemi pa në raportimin e fundit komisioni i ri nuk ka sjellë fakte siç kanë trumbetuar. Në këtë situatë është që të votoheshin rekomandimet që të votohet marrëveshja. Por meqë nuk kemi pajtueshmëri më mirë është të shkohet në kryesi e të vendosë kryesia”, tha ai.
Por partneri i Reçicës në koalicion, Zafir Berisha i Nismës ka thënë se komisioni tashmë ka kaluar kompetencat e veta dhe i ka kërkuar që të rekomandojnë votë kundër.
“Komisioni i ri ka vërtetuar se marreveshja efshtës mbi bazën e dokumenteve fals dhe komisioni ‘Meha’ i ka tejkaluar kompetencat. T’i rekomandojmë me votën kundre pre këtë marrëveshje. Ne si deputetë kemi përgjegjësi me percaktu vendimin tonë”, tha Berisha.
I të njëjtit mendim ishte edhe Visar Ymeri nga Vetëvendosje i cili ishte që të votohet rekomandimi për mos ratifikim të marrëveshjes.
“Për mua është e qartë se ka pasur disa shkelje nga të gjeturat. Dyshimet për falsifikim dokumentesh. Marrëveshja aktuale nuk është në përputhje me interesin e Kosovës. Duhej t’i rekomandonte seancës që mos të ratifikohet kjo marrëveshje”, tha Ymeri.
E të njëjtit mendim si Ymeri e Berisha e ka dhënë edhe Time Kadriaj e AAK-së, duke dalë kundër PDK-së dhe në krah të opozitës.
“Unë mendoj njëjtë si Visar Ymeri e Zafir Berisha”, tha ajo.
Kurse Doruntinë Maloku nga LDK tha se nuk duhet të ketë fare rekomandim.
“Ne duhet t’ia procedojmë kryesisë pa rekomandim kur ta shohim se po hetohet edhe nga prokuroria. Unë jam që të mos ketë rekomandim”, tha ajo.
Por Aida Dërguti nga Vetëvendosje shprehu mendim të kundërtën me Malokun pasi tha se është mirë që të ketë rekomandime të komisionit, ngase sipas saj komisioni i kaluar ka kaluar rekomandimet dhe se në vend të demaskimit ka bërë demelitimin.
“Kjo çështje që është diskutuar shumë gjatë e keni të qarë se të gjithë keni qëndrim rreth kësaj. Do të duhej të shkonte me rekomandim në kryesi. Është e qartë se komisioni ‘Meha’ ka kalu kompetencat”, tha ajo.
Tashmë i mbetet Kryesisë të vendos për seancën ku në rend dite do të jetë ratifikimi i demarkacionit me Malin e Zi.
Kujtojmë që kjo marrëveshje bashkë me raportin e ri të Komisionit Shtetëror, në krye me Shpejtim Bulliqin u dërgua në Kuvend në fillim të muajit dhjetor.
Blendi Gashi – /tesheshi.com/
