Deputeti i grupit parlamentar të Listës Serbe, Adem Hoxha, duket se do të jetë “xhokeri”, për kalimin e marrëveshjes së Demarkacionit me Malin e Zi e cila për afro tri vite ka mbetur pa u ratifikuar.
Sipas anëtarit të AAK-së, Pal Lekaj, i cili është edhe ministër i Infrastrukturës, Hoxha i ka premtuar votën e tij nëse koalicioni qeverisës arrij të mbledhë 79 vota tjera. Ky numër mund të quhet i siguruar, pasi zyrtarë të AAK-së kanë thënë se deputetja Donika Kadaj-Bujupi e cila u rikthye në parti do të votojë njëjtë si grupi parlamentar.
Adem Hoxha, është anëtar i partisë së goranëve (JGP), ndërsa në Kuvend është pjesë e grupit parlamentar të Listës Serbe.
Seanca për Demarkacionin, siç ka paralajmëruar kryeministri Ramush Haradinaj do të mbahet të martën. /tesheshi.com/
