Partnerët e koalicionit qeverisës në Kosovë, PDK-LDK pas diskutimit edhe me përfaqësues të Shteteve të Bashkuara, kanë rënë dakord që të mos shqyrtojnë projektligjin e ratifikimit të Demarkacionit me Malin e Zi deri pas të mërkurës, kur pritet të mbahet séance e Kuvendit. Lajmi bëhet i ditur nga një komunikatë për mediat, ku saktësohet se qeveria e Kosovës ka përkushtim të plotë “të adresojë çështjen e Ratifikimit të Kufirit Shtetëror me Malin e Zi, si një prej vendimeve më të rëndësishme për të ardhmen e qytetarëve dhe të shtetit të Kosovës”, theksohet në komunikatë.
Marrëveshja është vendosur të dërgohet për ratifikim në Kuvend, në javën kur ligjvënësit pritet të votojnë mocionin e opozitës për rrëzimin e qeverisë aktuale.
Demarkacioni po kundërshtohet ashpër nga opozita si dhe një numër i deputetëve nga partitë në pushtet, me pretendimet se nëse ratifikohet si e tillë, përmes saj Kosova do të humbte mbi 8 mijë hektarë tokë. /tesheshi.com/
