Partia në pushtet AAK dhe ajo opozitare Vetëvevendosje janë përplasur në Komisonin për Punë të Jashtme lidhur me çështjen e Demarkacionit me Malin e Zi.
Kjo pasi pjesë e planit të këtij komisioni është edhe raportimi për shënjimin e vijës kufitare me Malin e Zi, pikë që ngjalli reagime të anëtares së AAK-së, Time Kadrijaj, dhe anëtarit të Vetëvendosjes, Dukagjin Gorani.
Kadrijaj tha se kryeministri ka bërë një komision dhe se duhet t’i jepet hapësirë këtij komisioni duke shtuar se i beson plotësisht asaj që Haradinaj do të bëjë zgjidhjen më të mirë të mundshme sa i përket kësaj teme.
Por Dukagjin Gorani nga VV në replikë tha se “është punë e juaja se a i besoni apo jo”.
Kurse Vjosa Osmani nga LDK-ja e cila u zgodh kryetare e Komisioni për Punë të Jashtme, foli për punën që e pret këtë komision ndërsa tha se në të kaluarën ka pasur raste kur nuk ka qenë shumë aktiv duke shpresuar se kësaj radhe do të jetë superaktiv.
Zv.kryetare e parë e komisionit është zgjedhur Time Kadrijaj, zv. kryetar i dytë Danush Ademi nga 6+, kurse anëtarë nga Vetëvedosje Aida Dërguti, Visar Ymeri dhe Dukagjin Gorani, anëtarë nga LDK, Doruntinë Maloku, Elmi Reçica dhe Evgjeni Thaci nga PDK, Zafir Berisha nga Nisma për Kosovën, Srgjan Mitroviq nga Lista Serbe. /tesheshi.com/
