Nga Blendi Gashi
Komisioni shtetëror për shenjëzimin e kufirit me Malin e Zi, i udhëhequr nga Murat Meha dhe grupi i ekspertëve më në krye Shpejtim Bulliqin, deputet i LDK-së, për më shumë se pesë orë prezantim faktesh kanë mbajtur qëndrimet e tyre pro dhe kundër Demarkacionit.
Debati i cili filloi në orët e para të mëngjesit, ku përveç presidentit, kryeministrit, krykuvendarit, deputetëve të partive, morën pjesë gjithashtu 28 përfaqësues nga misioni diplomatik dhe 16 organizata joqeveritare.
Duke parë se dy palët, Presidenca e Qeveria, së bashku me komisionin shtetëror në njërën anë, si dhe grupi i ekspertëve së bashku me opozitën në anën tjetër, nuk pritet që debati që u zhvillua të ndryshojë diç për të kapërcyer krizën e thellë që e pret Kosovën, ditët në vijim kur edhe pritet që Demarkacioni të dërgohet në kuvend për ratifikim.
Edhe pse ekspertët më në krye deputetin e LDK-së Shpejtim Bulliqi, dhe proesorë të tjerë si Zejnullah Gruda e Hakif Bajrami prezantuan fakte sipas të cilëve vendi humb tokë me marrëveshjen e nënshkruar, krerët e shtetit, presidenti Hashim Thaçi, kryeministri Isa Mustafa dhe komisioni shtetër në krye me Murat Mehën mbajtën qëndrimin se vendi nuk e humb asnjë pëllëmb tokë.
Duke parë se palët nuk lëvizën nga qëndrimet e tyre, shtrohet pyetja se a u zhvillua ky debat sa për sy e faqe, pra do të jap apo jo ndonjë rezultat, të paktën tek deputetët që kanë pasur mëdyshje nëse duhet të votojnë pro apo kundër?
Inicuesi i debatit Shpejtim Bulliqi: Materiali i komisionit qeveriar i rremë
Inicuesi i debatit, Shpejtim Bulliqi, njëherit profesori i gjeografisë, drejtoi gishtin tek komisioni shtetëror i drejtuar nga Murat Meha, duke thënë se materiali i dërguar nga komisioni në fjalë në komisionin kuvendar për integrime Evropiane është i rremë, dhe se është përgatitur pas nënshkrimit të marrëveshjes për caktimin e kufijve me Malin e Zi.
“Materiali i cili i është sjellë nga komisioni shtetëror është fallco, materiali është paraqitur pas nënshkrimit të marrëveshjes për demarkacionin me Malin e Zi”, ka thënë Bulliqi.
Deputeti i LDK-së, ka thënë se pakoja e Ahtisarit përcakton vetëm kufirin në mes Kosovës dhe Maqedonisë, dhe si i tillë, nuk përcakton asnjë pjesë territoriale në raport me njësi të tjera.
Ai ka shtuar se kadastri i paraqitur nga komisioni shtetëror i takon një periudhe kohore nga ish mbretëria serbo-kroato-sllovene.
Bulliqi ka prezantuar një serë hartash, dhe enciklopedi, për të cilat ai thotë se kufijtë e Kosovës nuk janë ashtu siç janë prezantuar nga Komisioni Shtetëror.
Profesorët: Marrëveshja e gabuar!
Përveç, profesor Bulliqit, edhe profesorët terët tjerë Zejnullah Gruda, Hakif Bajrami e Enver Hasni kanë kundërshtuar marrëveshjen e nënshkruar nga komisioni shtetërorë.
Profesori i së Drejtës Ndërkombëtare, Zenjullah Gruda, ka deklaruar se mundet të llogaritet që në një tryezë të thjeshtë të flitet për një çështje kaq të rëndësishme.
Ai ka deklaruar se për organizimin e tubimeve të tilla janë akademitë e shkencave, universitetet, ndonjë katedër universiteti.
“Unë e kundërshtoj këtë marrëveshje sepse qasja e lidhjes së kësaj marrëveshje është absolutisht e gabueshme. Kadastri nuk është kriter i përcaktimit të kufijëve sipas të drejtës ndërkombëtare”, deklaroi profesor Gruda.
Edhe profesori i histories , Hakif Bajrami paraqiti fakte dhe hulumtime, ku tha se komisioni shtetëror për Demarkacion e ka bërë raportin gabimisht.
Bajrami i cili ka qenë drejtor i Arkivit të Kosovës tha se kufiri i Kosovës me Malin e Zi është në Çakorr.
Ndërsa, ish- kryetari i Gjykatës Kushtetuese, profesori Enver Hasani, tha se komisioni qeveritar ka tejkaluar mandatin e vet, që ka qenë administrim dhe teknik.
“Komisioni ka përcaktuar kuota të reja dhe përshkrim të ri të kufirit me Malin e Zi. Kjo nuk ka qenë në mandatin e tij. Se komisioni ka tejkaluar duke përkufizuar kufij të ri shihet qartë dhe në raportin e tij zyrtar. Kosova ka ushtruar kontroll edhe në kohen e UNMIK ut e cila ka suspenduar sovranitetin sot, ka pasur në Çakorr arrestime të një boshnjaku, i cili është konsideruar si pjesë e territorit këndej”, ka thënë Hasani.
Sipas tij Komisioni duke u mbështetur vetëm në gjendjen e kadastrave ka caktuar një kufi të ri duke e ndryshuar atë të vitit 1974, gjë që nuk ka qenë në mandatin e tij.
Ambasadori amerikan: Ratifikojeni Demarkacionin, Kosova s’humbet tokë
Pavarësisht mendimeve të profesorëve dhe ekspertëve që deklaruan se Kosova humb territor, ambasadori amerikan në Prishtinë, Greig Delawie, i cili mori fjalën pas preznatimeve të fakteve nga të dyja palët, ritheksoi qëndrimin e ditur tashmë të SHBA-ve, se Kosova nuk humb tokë dhe se mungojnë faktet për një gjë të tillë.
Diplomati amerikan bëri thirrje kunvendit nga tryeza e debatit që të ratifikoj marrëveshjen.
“Deputetët do të votojnë me mendimin e tyre dhe u bëjë thirrje që të votojnë paqësisht, pastaj Kuvendi të vazhdojë me çështjet tjera të rëndësishme të Kosovës.
Kjo çështje nuk duhet të jetë aq e politizuar sepse sjellë në pah dokumentet për të cilat jemi pajtuar se janë publike. Rezultatet e Komisionit është dashur të diskutohen që në fillim mirëpo nuk kemi dëgjuar se ka pasur ndryshime të pronave te njerëzit që kanë prona në kufi. Kjo mund të bëhet pasi të ratifikohet marrëveshja. Demarkacioni i shërben fqinjësisë së mirë mes dy vendeve”, ka deklaruar Delawie.
Ndryshe, përfaqësues të opozitës, pas dhënies së fakteve nga deputeti Shpejtim Bulliqi, kanë shkruar në rrjetet sociale se sot fitoi e vërteta, pasi sipas tyre eksperët dhanë fakte të shkruara, vizuele, dokumente, harta e fakte të tjera, që dëshmojnë edhe njëherë se kauza opozitare është e drejtë dhe se versioni aktual i Demarkacionit është i gabuar. /tesheshi.com/
